Ranz doengzhag gou miz duz malwg he, de heuh Siujvuenh, dwg gyoengqde youq rog gip ndaej.

Duzde daengx ndang bwn henjgeq, gwnz gyaeuj iqetet de maj song duj rwz soemsengseng, fouq lwgda ndongqliklik haenx cungj dwg siujsim dwk yawj seiqhenz. Ndang de bizboedboed, caekhaex lij rag diuz rieng raezrangrang he, byaij loh hwnjdaeuj caen saenz- heiq.

Moix baez de gwn imq le cungj gyaez dawz nyaujnaj ut haeuj laj dungx bae ninzfofo.

Gou moix baez cuengqhag ma, de cungj bi rieng coh gou, heuhvaeuvaeu. Gou siengj: De itdingh dwg iek lo, heuh gou gueng doxgaiq hawj de gwn. Moix baez vut ndok hawj de, de cungj gwn dwk diemzsubsub, gij yiengh dwggyaez yaek dai.

Mwh gou mbouj haisim seiz cungj caeuq de guhcaemz, gou maqmuengh caeuq de ciengxlwenx guh baengzyoux.

(ngeih nienzgaep Cau Siujvaz)