Diuq foux yekyek, sing fwen sing go goksasa……10 nyied 3 hauh, Lungzcouh Yen Ginhlungz Cin gawjhengz Gaiq Daihngeih “Ciet Souhaeux” Bouxcuengh hozdung. Ngoenzde, gyoengq beixnuengx Bouxcuengh daenj buhmoq, ciengq go diuq foux, angqhoh “ciet souhaeux”.

Moix bi 10 nyied 3 hauh, dwg ngoenz angqhoh gohaeux ndaej fungsou Bouxcuengh Lungzcouh Ginhlungz, ngoenzneix, gyoengqde eu fwen、danz denhginz、bau aendomq、daemj man、guh ceiz daengj hozdung, nauhyied raixcaix, soengq angqyangz caeuq vuenyungz hawj gyoengq bouxhek daj gizgyae daeuj youz haenx.

(Cwnz Youjcaiz Fangh Meiz)