Liujcouh miz golwgnyez lai, suenq Liujgyangh miz ceiq lai. Liujgyangh Yen soqlaiz miz aen conzdungj biensij caeuq soucomz golwgnyez ndeu. Youq bineix gih raeuz guh golwgnyez doxdax, miz 15 hot ndaej ciengj, ndawde, miz 5 hot dwg Liujgyangh Yen aeu ndaej. Liujgyangh Sawcuengh Hagdangz Fusuz Siujyoz aeu golwgnyez maenhndei daeuj son hagseng baenzlawz guhvunz, youq ndaw hagdangz cujciz hagseng guh boih golwgnyez doxdax, youq gwnz dangz dagohgen caeuq gwnz dangz dijyuz diuq fouxgolwgnyez.

(Cinz Veijliz)