□ Hoz Saubangj sij Cinz Siengzcouh Liuz Gingliuj Cinz Siengzgen hoiz

Aenvih mbouj ciuq gij cingz- gvang gak dieg mbouj doengz haenx bae ceidingh banhfap, gij beijlaeh gvanhaeh ndaw nungzyez deng dajluenh. Gij dieg bonjlaiz yungh lai cungj ginghyingz guhcawj haenx dingzlai deng gaij baenz ndaem haeuxgwn guhcawj, doeklaeng dwg sairengz lai, canjliengh daemq, swnghcanj haeuxgwn gig mbouj onjdingh, lai cungj ginghyingz youh deng caenx gvaq henz bae lo.

Doenghgogai、 huqndoeng’ok、huqdoihduz deng gemjcanj, mbouj- danh yingjyangj ginghgunghyez swnghcanj, caemh yingjyangj deng doiq rog guh gaicawx. Bi 1958, gai youzgyaeuq、soengyieng、mouseng、youzveizyangh、youzsoenghoh、youz- lwgnganx、gvamqlwgnganx、danqfaex daengj 8 cungj canjbinj neix ok guek, ndaej 1854 fanh meijyenz, bi 1961 cij ndaej 240 fanh meijyenz, gij ngaenz deng gemj haenx ndaej daj guekrog cawx 4.6 ik gaen megmienh.

Swcigih Dangjveij nyinhnaeuz, ok cungj yienhsiengq neix, aeu daj cujgvanh gwnzde guh diemjcaz, gijde caeuq Swcigih Dangjveij caengz ndaej cingqgoz roxnyinh gij diuzgen swyenz caeuq gij cingzgvang lizsij Guengjsae miz gvenhaeh. Hoeng, gangj daengz gij saehsaed Guengjsae, Guengjsae gaijfang le, lai bi daeuj, gij hong diuh haeuxgwn hawj baihrog haenx daiq naek, gijneix caemh dwg aen yenzyinh youqgaenj ndeu. Bi 1953 daengz bi 1962 ndaw 10 bi neix, Guengjsae bingzyaenz binaengz diuh haeux hawj baihrog 3.09 ik gaen (haeuxgaicawx), sawj haeuxgwn Guengjsae cungj dwg gaenjcieng, ndigah mbouj ndaej mbouj bae gaem ndaem haeux, caenx haujlai doenghgogai gvaq henz bae.

Boux faenguenj caizmou Ho Hih- mingz gig miz gamjsouh dwk naeuz: “Danghnaeuz mbouj diuzcingj gij hongrap Guengjsae diuh haeux hawj baihrog haenx, gvaqlaeng raeuz vanzlij dwg nanz ndaej ciuq gij cingzgvang gak dieg mboujdoengz haenx ceidingh banhfap, baij giz ndei vut giz yaez Guengjsae.”

(caengz sat)