Gouj nyied haeuj hanzloh

Faexgeq goj did ngaz

Mauxdan cingq hai va

Doenghgo ma beij vuengh

Co gouj ciet bouxgeq

Gyoengqde caez cang ndang

Vad fwngz bae gvangjcangz

Diuqfoux angq goenghoh

Daxboh dang gvaq bing

Hoenx hingz fangz Yizbwnj

Youq baihnaj vunz ndwn

Hwnj daiz dang yinghyungz

Daxmeh dwg ganbu

Lajmbanj guh duicangj

Baen naz hawj vunz angq

Byaij roen’gvangq hwnj loh

Bohmeh yienznaeuz geq

Cingsaenz mbe lij hoengh

Vih beksingq sim hoengz

Bang gyoengqvunz banhsaeh

Ndaw ranz miz bouxgeq

Ndei veh va camq ranz

Gwn raemxgyoet hix van

OK rog ansim byaij

Bouxgeq dwg gaemzbauj

Yungh dauhleix son vunz

Sinhoj gaenx guh gwn

Gag giengz ndwn lajdeih

Bouxgeq miz vunz ciengx

Ciuhvunz siengj miz baengh

Gvaq saedceij angqfaengz

Ndang cangq baengh vaiqvued

Youq rog seizgan nanz

Ciengz dauqranz yawjyawj

Youq gyae dangq youq gyawj

Hawj bouxlaux simsoeng

Bouxlaux lumj goengqbya

Cingz naekna lumj haij

Gingq laux daih swnj daih

Cunghvaz lai vwnzmingz