●10 nyied 13 hauh, dwg ngoenzciet gouj nyied gouj. Ngoenz haenx, Gunghcwngz Yauzcuz Swciyen geij cien bouxgeq youq yienhsingz cungsim gvangj- cangz baiz baenz“duzlungz raez cien mij”, angqyangz dwk camgya ndek gvaengz gyongx bit、ringx lanzgiuz、dwkbiu、vit dawh coq bingz daengj hozdung, nauhyied raixcaix.

(Cwng Ciminj)

●10 nyied 11 hauh, Cingsih Yen Sinhcing Cin Fuzsieng Ciet moegyou ciuq seiz gawjhengz. Baez hozdung neix aeu moegyou guh cawjdaez, doenggvaq baijok moegyou、yienj heiqmoegyou、doxdax eu fwen daengj hozdung, hungzyangz vwnzva ndawbiengz, hwng vwnzva mbanj Bouxcuengh.

(Cau Ginghvuj)

●Daj bineix daeuj, Dasinh Yen cienzmienh saedhengz gyauyuz hawj vunzlai souh’ik gunghcwngz, daengx yienh miz 34888 boux hagseng cunghyoz nem siujyoz henzguek haenx souh’ik, aeundaej cwngzyau yienhda.

(Hoz Bingjswng)

●Daj bi’gvaq saedhengz hanghmoeg aen cin aen cunh mizmingz miz daegsaek daeuj, Fuconh Yauzcuz Swciyen Cauz- dungh Cin gungh guhsat 16 aen hanghmoeg, gungh roengzngaenz 977 fanh maenz. Guhsat gij hanghmoeg neix, doidoengh dang- dieg ginghci engqvaiq fazcanj, hawj ginzcung aen cin neix souh- ik gig lai.

(Cinz Youjyin Cinz Yengiz)

●10 nyied 11 hauh, Denh- dwngj Yen faenbied youq ndaw yienh cungjgunghvei nem minz- cwnggiz gawjhengz gouj nyied gouj bouxgeq dijyuz doxdax hozdung. Gij doxdax hanghmoeg miz dinghdiemj douzlanz、gibaizgiuz、mwnzgiuz daengj. Daengx yienh gungh miz 300 lai bouxgeq camgya, gyoengqde gvaq ndaej gig angq.

(Liengz Cwngzfuj Vangz Bingjyouz)