Mboengqgonq, Liujcouh Si miz 27 boux lauxhangz gisuz maenhndei bae daengz Sanhgyangh Dungcuz Swciyen Linzhih Yangh Gvandungh Cunh Mbanjgvansiuj, bang ginzcung dangdieg yawjbingh、son nungzyez gisuz daengj, ndaej daengz gyoengq ginzcung dangdieg haenhndei.

Doiq aen vwndiz lajmbanj gihcwngz boux lauxhangz gisuz noix neix, Liujcouh Si youq Sanhgyangh Dungcuz Swciyen、Yungzsuij Myauzcuz Swciyen、Yungzanh Yen daengj sam aen yienh gungzhoj neix, laebbaenz aen “bouxlauxhangz fuzvu gihcwngz gunghcozcan”, laeb aen bingzdaiz bouxlauxhangz bang hong gihcwngz, laebbaenz le aen gihci raeznanz “geiqmaeuz bang gungz” ndeu.

(Lij Binh)