Nanzdanh Yen seizneix yaek miz 3 fanh vunz Bwzguyauz, gyoengqde cujyau comzyouq Bazhih、Lijhuz song aen Yauzcuz yangh. Bwzguyauz ndaej Lenzhozgoz Gohgyau Vwnzvei Cujciz beijguh “yinzlei vwnzmingz hozvasiz”. Gij buhvaq vwnzva、gietvaen vwnzva、lwggyangq vwnzva、daicangq vwnzva、fwenbeij vwnzva Bwzguyauz saenzmaed youh geqget buzsu, gig miz daegsaek. 9 nyied 27 hauh, Lijhuz Yauzcuz Yangh 40 lai boux mbwksai youq ndaw mbanjmoq hawj bouxyouz yienj Bwzguyauz minzsuz vwnzva.

(Fu Lungzgiengz)