□ Ganh Sozvwnz / 甘说文

Cin hah cou doeng mbouj haeujsim,

Ndang cimq suenva gyaez lwghag；

Lohgaeuz lohlingq song din dag,

Dungxmaeg raix liux son lwglan.

Lwghuk lwggvai cungj beixnuengx,

Yunghsim gung va maj baenz gim；

Cin hah cou doeng mbouj haeujsim,

Ndang cimq suenva gyaez lwghag.

Faenjbit sij cih hwzbanj hed,

Sim get lwghag mbouj lau baeg.

Lohgaeuz lohlingq song din dag,

Dungxmaeg raix liux son lwglan.

Goengrengz ndei yungh dangq raemxmboq,

Va hai angjo rwi daeuj hoengh;

Suenhag seiqgeiq va hwnghuengh,

Maqmuengh guekcoj ndei ciengxlwenx.

Doek ceh ndaem din youh lamx goek,

Rwed raemx moek bwnh siengj va moq.

Goengrengz ndei yungh dangq raemxmboq,

Va hai angjo rwi daeuj hoengh.

Bonjsaw gonjbit caeuq diuzbien,

Mbouj ienq seiqvunz “lwgnyez vuengz”.

Suenhag seiqgeiq va hwnghuengh,

Maqmuengh guekcoj ndei ciengxlwenx.