饮食注意事项

Mwh boux aendungx baenz- aiz ok lwed seiz, gwn doxgaiq mbouj hab daiq ndat, aenvih doxgaiq daiq ndat ndaej hawj sailwed mbehai, ok lwed engq lai. Mbangj vunz nyinhnaeuz doxgaiq gyoet ndaej dingz lwed, danhseih doxgaiq gyoet ndaej yinxhwnj aendungx raemhrwnh sousuk, aendungx engq in, ndigah, boux aendungx baenzaiz gwn doxgaiq geih daiq gyoet roxnaeuz daiq ndat.

Boux aendungx baenzaiz haeuj daengz geizgyang caeuq geizlaeng itbuen donh aek baihgwnz miz sim nywnx、 rueg ok、dungx rwd in rwd in daengj binghyiengh, doiq cungj cingz- gvang neix, wng gwn gijgwn cit di, lumj raemxoij、mba ngaeux、cuk haeuxyangz、gau maksanh- cah、cuk haeuxfiengj、mak- daihcauj、cuk cehmbu daengj. Gaej gwn gijgwn manhget, gaej ndoet laeuj. Gijgwn nyinzsei co lai hix gaej gwn.

Ndaw gijgwn ceiq ndei demgya di danbwzciz、youzlauz yungzheih siuvaq ndeu, doengz- seiz hix ndaej demgya di gijgwn hamz veizswnghsu B、veizswnghsu A、veizswnghsu C daengj cwngzfwn dem, yienghneix doiq aenndang caeuq binghcingz daih miz ndeicawq. Linghvaih, boux aendungx baenzaiz gwn doxgaiq wng gwn siuj gwn lai donq, gwn siuj ndaej gemjsiuj gig raemxdungx iemqok, mienx- ndaej dungxsaej fudanh daiq naek.