Linzcangz yingzyangjyoz yenzgiu ndaej rox, ndaw ndang noix veizswnghsu B2 dwg yinxhwnj baenz gokbak nengz aen yenzyinh ciengz raen ndeu.

Yawhfuengz baenz gokbak nengz, daih’it dwg diuzcingj gwnndoet, haeujsim gwn cai caeuq gwn noh hableix dapboiq, lai gwn gijgwn naengz ciengx lwed nyinh yaem、siu ndat nyinh sauj ndeu. Gijgwn ciengx lwed nyinh yaem miz daep doihduz、hakgyaeq、nohcing、makdaihcauj、duhndaem、daeuhseih、yaumuj、cijvaiz daengj; gijgwn nyinh yaem nyinh sauj miz byaekroem、byaekbohcai、byaekgaiqlanz、dangzrwi、ngveih makgingq daengj. Gij huq neix dingzlai dwg hamz veizswnghsu gig lai, mwh cauj seiz gaej hai feizhaenq cauj nanz lai, mienxndaej dingzlai veizswnghsu B2 deng buqvaih bae. Cawz yungh gijgwn diuzleix le, mbangjgiz rogsieng ndaej aeu gobyaekiemjsae ma gya youz- lwgraz daem yungz baeng gizde, hix ndaej hwnj daengz nyinh sauj dingz in、siu ndat gej doeg cozyung.