Vihliux gikfat gyoengq hagseng gag doengh fwngz caeuq cangcoz naengzlig, mboengqgonq, Nanzningz Si Cinghsiu Gih Cangzdangz Cin Cangzdangz Cunghsinh Siujyoz youq ndaw hagdangz cujciz gaihcanj “vwnzmingz hagdangz” bauqfwngzsij doxdax hozdung. Hagdangz leihyungh lai cungj lai yiengh hingzsik gujli hagseng hag lienh sij cih, gyagiengz goengdaej vehveh, daezsang cauxmoq naengzlig. Hawj hagseng youq damqra ndawde hagsib, youq guh’angq ndawde majhung. Baez bauqfwngzsij doxdax neix, gyoengq hagseng ndaej fazveih naengzlig cauxmoq swhgeij, lauxsae hix ndaej fatyienh miz haujlai hagseng youq suhfaz fuengmienh miz dungxcaiz, lij naeuz ngoenzlaeng aeu haeujsim beizyangj, sawj hagseng cienzmienh ndaej fazcanj.

(Lij Cinghsiz)