Ndwenndwen cungj guh ciet

Gozging ciet ceiq hoengh

Hawfwen noengq youh noengq

Fwenhaenh soengq dangj raeuz

Vaiz dajcae dwgrengz

Baenzngoenz deng bien fad

Bouxhoj ranz gungzgaed

Haeuxgwn naed mbouj raen

Haemh laep caj ronghndwen

Fwn’oemq dwen daengngoenz

Ngeix haemzhoj ndang saenz

Muengh ngoenzndei darongh

Daengngoenz baihdoeng hwnj

Ciuq ndaej gwnzbiengz rongh

Dangj lumj daengngoenz ndongq

Daiq raeuz bongh ngoenzndei

Makgam maij gaiqreih

Byaleix gyaez aendaemz

Lwgminz duet ngoenzhaemz

Laemx sim riengz dangj byaij

Angqhoh ciet gozging

Lwgminz angq ciengq go

Ndawbiengz dujva o

Guekcoj engq fouqgiengz