□ Suh Dasingh/苏大星

Cib nyied mauxdan hai

Rang doh gai doh luengq

Va dwg sim raeuz muengh

Yied hwngvuengh yied gyaeu

Coux cib nyied it hauh

Ngoenzseng laux guek raeuz

Va cang Baekging gyaeu

Caemhcaez daeuj goenghoh

Bi it gouj seiq gouj

Guek raeuz couh gaijfang

Docih Gungcanjdangj

Bang raeuz caux ngoenz ndei

Ngeix dauq haj cien bi

Cunghvaz ndi(ndei) ronghsag

Vwnzmingz youh maenh’ak

Gak cuz gyonj baenz biengz

Cib gouj sigij daeuj

Guek ngaiz saeuh(dub) nyieg lai

Dangsaeq youh fujbai

Haih beksingq hojgungz

Ngeihcib sigij co

Cunghgoz bongj rumz laux

Swnh Cunghsanh hai bauq

Boek Cinghcauz roengzdaiz

Luzgouhgyauz saeh hwnj

Fangz Yizbwnj daeuj ciemq

Guekgya ngaiz gvej iem

Ciemq dwk yaek miedmuengz

Gungcanjdangj hwnjdaeuj

Saeuh(hoenx) de bet aen bi

Yinzminz ndaej swngli

Yizbwnj gvih gingzfwngz

Ndaw guek fanjdungbai

Caiq hwng rumz guh langh

Siengj mied Gungcanjdangj

Gag dangsaeq ceih biengz

Gungcanjdangj yinghmingz

Hoenx hingz fanjdungbai

Cawz raeg gij vunzvaih

Yinx raeuz byaij baenaj

Yinzminz ndaej guhcawj

Caezgya dawz gya dang

Beksingq diegvih sang

Angqyangz gvaq saedceij

Gensez guekgya raeuz

Caezgya daeuj doxbang

Byaij baecoh siujgangh

Baihnaj gvangq youh rongh

Laeb guek roekseiq nienz

Guekgya bienq fouqgiengz

Ginghci hwnj mbaek sang

Bang seiqgyaiq okrengz

Siengjmuengh Cungguek raeuz

Saedyienh gyaeu lumj veh

Minzcuz fukhwng le

Cunghvaz mbe ronghsag