●Dangqnaj, Denhdwngj Yen 5.4 fanh moux haeuxlaeng cauhgiz baenzhaeux raixcaix, guj moix moux lai baenz 105 goenggaen. Ciuq gij gyaq dangqnaj suenq, neix couh hawj dangdieg doenghboux ndaemhaeux demsou 850.5 fanh maenz.

(Liengz Cwngzfuj)

●Ciuq gyoepsuenq, daj 2008 nienz daengz 2012 nienz, Nazboh Yen Minzcuzgiz gungh cengndaej minzveij baihgwnz hawj hangh- moeg bued cienzngaenz fazcanj saujsu minzcuz 172 aen, cienzngaenz 2683 fanh maenz. Hanghmoeg guhbaenz sawjyungh le, mizyauq gaijgez 54750 lai vunz saujsu minzcuz byaij roen hoj、gwnzraemx hoj、demsou hoj daengj vwndiz.

(Vangz Bizvaz)

●Geij ngoenz gonq, Denz- yangz Yen cizgiz gaihcanj“gengangh haeuj gihcwngz”hoz- dung, cujciz yihliuz conhgyah daengz Yifung、Bahbez、Dungcing、Vujcunh、Bohhungz daengj gij yangh(cin) diegbya gyae haenx, hawj doenghboux gungzhoj mienx- feiq genjcaz da、rwz、ndaeng、bak、hoz daengj.

(Vangz Gozsun)

●Lai bi daeuj, Gunghcwngz Yauzcuz Swciyen daihlig fazcanj lijyouz vwnzva Yauzcuz, doi lijyouzyez hoengh hwnjdaeuj. Bineix buenq bi gonq, aen yienh neix gungh ciep hekyouz 64.51 fanh vunzbaez, beij bi’gvaq demhwnj 19.8%; lijyouz gungh souhaeuj 4.74 ik maenz, demhwnj 15.8%. (Gyangh Dauh)