1、Aek gvangq sim hailangh, hag rox gag diuzcez cingzsi swhgeij, baujciz aensim gengangh huzndei. Naengh bouxvunz ciengzgeiz cingsaenz gaenjcieng、youcaeuz、sim fanz roxnaeuz ciengzgeiz cingsaenz fuhoz naek gvaqbouh, gig yungzheih baenz hezyaz sang.

2、Boux vunz biz baenz hezyaz sang dwg boux cingq- ciengz ndangnaek 2 daengz 6 boix. Ndigah, wng lai gwn di byaekheu singjsien、lwgmak caeuq haeuxcab ndeu, gij haeuxbyaek neix hamz miz veizswnghsu gig lai, mbangj lij ndaej gyangq hezyaz dem, lumj byaekginzcai、lauxbaeg、gosuenq、gyoijhom、maksanhcah、sae’gva daengj. Neix hix dwg yawhfuengz hezyaz sang cosih ndawde aen ndeu.

3、Gaiq ien gimq laeuj. Cit ien ndaej hawj hezyaz swng sang, daihliengh ndoet laeuj ndaej hawj simdaeuz、daep、mak baenz binghbienq.

4、Boux ndaw gyog miz vunz baenz hezyaz sang gvaq haenx aeu haeujsim swhgeij hezyaz cingzgvang, gyagiengz bae yawh- fuengz cij ndaej. Ngoenznaengz aeu ciuqseiz ok haexnyouh, caemhcaiq dawz de dangguh gienh daihsaeh ndeu daeuj doiqdaih.

5、Boux baenz hezyaz sang gaej gyangq hezyaz daiq vaiq roxnaeuz raemhrwnh dingz yw.

6、Ngoenznaengz gwnndoet gaej daiq hamz lai, moix ngoenz gwn gyu mbouj ndaej mauhgvaq 6 gwz, doengzseiz aeu noix gwn youzlauz, fuengz ndang fat biz.