Gwnndoet ciengx ndang baujgen conhgyah vixok, nohbit singq caepliengz, hab boux ndang ndat hwnjhuj gwn, ndigah seizcou ciengx ndang baujgen gwnndoet daih’it wng senj gwn nohbit. Nohbit hamz miz B cuz veizswnghsu caeuq veizswnghsu E gig lai, gij cihfangzsonh de cujyau dwg bubaujhoz cihfangzsonh caeuq dihdan baujhoz cihfangzsonh, yungzheih siuvaq.

Linghvaih, gij lauz ndaw nohbit caeuq youzdoenghgo wnq mbouj doxdoengz, daegbied hab boux baenz doenghmeg giet ndongj haenx gwn.

Nohbit doiq smdaeuz bouxvunz hix daegbied miz ik. Moix 100 gwz nohbit hamz miz 300 hauzgwz gyaz, gyaz doiq simdaeuz bouxvunz diuq miz cezcou miz gvilwd mizgven.

Vunz gwn gyu lai hezyaz couh rox swng sang, ndigah, bingzseiz wng lai gwn di nohbit ndeu daeuj dingjlawh gij noh gij byaek wnq.