Seizcou aenmbwn bienqvaq mbouj dingh, bouxvunz yungzheih baenz dwgliengz. Baenz dwgliengz miz lai cungj yenzyinh, yawhfuengz cij dwg gvanhgen. Baihlaj 8 aen hothoh iq ndaej bang mwngz yawhfuengz baenz dwgliengz.

Doeng. Gyanghaet hwnq- mbonq le, gibseiz hai doucueng sup aeu hoengheiq singjsien, doengz- seiz baujciz hoengheiq ndaw rug riuzdoeng ndei.

Swiq. Gyanghaet yungh raemxgyoet swiq naj, gyanghaemh yungh raemxndat cimq din, ciengzgeiz genhciz ndaej coicaenh lwed lae baedauq, hawj aenndang lai dingj ndaej bingh, mizyauq dwk fuengz baenz dwgliengz.

Lienh. Gyanghaet hwnq- mbonq le, genhciz ok rog bae menhbuet yaep ndeu, roxnaeuz guh caujcauh, dwk daigizgenz, demgya rengzndang, hawj aenndang lai dingj ndaej bingh.

Riengx. Ngoenznaengz genh- ciz yungh raemxgyu roxnaeuz raemxcaz riengx bak, ndaej mied raeg binghdoeg ndaw bak, siucawz raemxmyaiz, baujciz conghbak seuqsak.

Daenj. Gaengawq dienheiq bienqvaq, gibseiz gya gemj buhvaq, gaej nyengh dingj youq.

Nyouq. Ra bingz meiqgeq roxnaeuz bingz laeujget ndeu ma, seiz mbouj seiz hai aen fa nyouq, ndaej daez saenz singj uk, demgiengz menjyizliz, mizyauq dwk yawhfuengz dwgliengz.

Ndoet. Gyanghaemh yaek haeujninz seiz, aeu lauxbaeg gya meiq ngauz dang gwn roxnaeuz aeu hingndip cimq caz gwn, fuengzceih dwgliengz yaugoj gig ndei.

Oenq. Gven doucueng ndaet, moix gek duenh seizgan ndeu feiz coemh meiqgeq oenq yaep ndeu, ndaej mizyauq dwk gaj raeg binghdoeg dwgliengz.