9 nyied 3 hauh, Daihcib Gaiq Cungguek-Dunghmungz Bozlanjvei youq Nanzningz Gozci Veicanj Cunghsinh gawjhengz. Aen hoih neix, yinx bouxhek Dunghmungz daeuj Nanzningz yied daeuj yied lai. Bineix gyoengq boux seng’eiq Dunghmungz daiq haujlai cungj doxgaiq daeuj gai, doxgaiq binjcungj lai raixcaix. Daegbied youq sanghbinjgvanj Vwnzlaiz、Genjbucai、Feihliz- binh、Sinhgyahboh seiq aen guek neix yawj daengz, gizneix doxdaiq lai raixcaix, vunz daeuj cawx hix ceiq lai.

Gaenh geij bi daeuj, bouxhek Dunghmungz daeuj Nanzningz guh seng’eiq yied daeuj yied lai. Seizneix, gyoengqvunz youq Nanzningz hix cawx ndaej doxgaiq daegsaek guekrog, ndaej gwn doxgaiq ndeigwn guekrog.

(Dahnaz cingjleix fanhoiz)