Bonjbauq siusik (gicej Veiz Yennaz) 9 nyied 5 hauh, ndaw yienh Sanglinz singgyong singlaz yiengj daenh mbwn, singgo singfwen goksasa. 2013 nienz Nanzningz Gozci Minzgoh Yisuzcez “Daizfwen Singzloeg”Daizfwen Sanglinz vwnzyi byaujyenj youq yienh Yinzminz Lijdangz gawjhengz. Baez vwnzyi byaujyenj neix, miz Suhgwzlanz、Daigoz daengj gyoengq boux yisuzgyah guekrog caeuq gyoengq boux yisuzgyah Sanglinz Yen doengzdaiz ciengq go eu fwen, aeu go fwen gyau baengzyoux 、 cienz cingzngeih, ciengq go eu fwen danqhaenh gwndaenj vuenyungz ngoenzneix. Byaujyenj ndeiyawj dangqmaz, ndaej daengz gyoengq bouxngonz dopfwngz haenhndei.