●Ceiqgaenh, Dava Yauzcuz Swciyen doenggvaq bitsawq、mienhsawq、gaujcaz daengj, genj ndaej 26 boux dayozswngh saujsu minzcuz daengz gak yangh(cin), hawj doenghboux guenmbanj engq maenhndei, daezsang banhsaeh yauliz.(Vangz Vwnzboh)

●Dangqnaj, Nazboh Yen Minzcuzgiz ceng ndaej daih’it buek hanghmoeg cienzngaenz fazcanj saujsu minzcuz 785 fanh maenz, neix youz Swcigih Minzveij、Swcigih Caizcwng Dingh bued hawj, ndawde, cienzngaenz guh hwng bien fouq minz 207 fanh maenz, hanghmoeg daveican 255 fanh maenz, hanghmoeg bangfuz canjyez 323 fanh maenz, gvendaengz 9 aen yangh(cin), 9320 vunz souh’ik.(Vangz Bizvaz)

●Daj bineix daeuj, Bingzgoj Yen guhsat hong ciem hezyi laebguh Bingzgoj Bya’gvanhyinh Funghgingjgih、Bingzgoj Vwnzva Funghcingz Daejniemh Lijyouz- yenz、Bingzgoj Gozci Veiyi Cung- sim daengj 3 aen hanghmoeg hungmbwk, gungh roengz 17.8 ik maenz.(Vuz Anhginh)

●Gaenh bi daeuj, Sanh- gyangh Dungcuz Swciyen roengz- rengz saedhengz aen giva hawj nungzminz demsou lai, comzrengz doihaeuj aen gunghcwngz fouqminz“aen mbanj aen daegsaek canjyez he”, gyavaiq nungzyez canjyezva, dabdaengz gij yaugoj “guh ndei mbanj he, dazyinx rangh he, hawj gyoengqvunz he fouqmiz”.

(Yangz Mingz Gungh Bujgangh)

●Daengz 6 nyied daej, Denhdwngj Yen guhsat hanghmoeg cienzngaenz cienhangh saujsu minzcuz, gaijguh nem gya’gvangq roen mbanj diuz he 1.2 goengleix, bu suijniz coq roen 6 diuz 3.8 goengleix, gya’gvangq minzcuz vwnzva hozdung cungsim mbanj gaep aen he, gungh 150 bingz- fanghmij. Miz 4 aen yangh (cin) 8 aen cunh 10 aen mbanj guh gij hanghmoeg neix, gungh 3186 vunz souh’ik.

(Luz Linzhuj Vangz Souciz)