Seizcou aenvih dienheiq bienqvaq daih, vunzraeuz ciengzciengz gamjdaengz mbouj cwxcaih, binghdoeg swngzgei ciemq haeuj ndang bae hawj vunz baenzbingh, ndawde ceiq ciengz raen couh dwg saidiemheiq baenzbingh. Conhgyah genyi naeuz:

1、Bouxlaux lienhndang aeu aenq rengz bae guh, ndaej bae youzbyaij、dwk daigizgenz daengj. Linghvaih, seizhah caeuq seizcou bouxlaux ndaej yungh raemxgyoet daeuj swiq naj, hawj rengz ndang cugciemh dingj ndaej bingh, gemjsiuj baenz cihgi’gvanjyenz、menhsingq heiqguenjyiemz、binghfungcaep. Haethaemh haeujsim dem gemj buhvaq, mienxndaej dwgliengz. Geih gwn gijgwn youz nywnx, bouxlaux aeu caenhliengh gaij ien.

2、Lwgnyez caengz haeujhag goengnaengz rengz dingj bingh lij caengz caezcienz, ndigah doiq dienheiq haemq minjganj, haethaemh dienheiq bienqvaq daih seiz, yungzheih baenz dwgliengz. Cawjranz aeu haeujsim hawj lwgnyez dem gemj buhvaq, hawj lwgnyez lai gwn di haeuxcab、cuk haeuxfiengj、mandouz、byaekheu、lwgmak、gyaeqgaeq daengj, fuengz gijgwn daiq dandog gvaqbouh.