Ciuq gohyoz caekdingh, moix 100 gwz gyaeujcoeng hamz miz 40 hauzgwz gai、50 hauzgwz linz、1.8 gwz diet、8 hauzgwz veizswnghsu C, lij hamz miz huzlauxbaeg doxgaiq、veizswnghsu B1 caeuq nizgwzsonh dem.

Yiengzcoeng gawq dwg meih byaek habbak ndei gwn ndeu, gwn de caemh ndaej yw binghnyouhdangz、hezcij sang、dungxsiq、din hwnj gyak、fungcaep hoh in、ninz mbouj ndaek、ced haenz、ok nyouh mbouj ndaej daengj bingh.

Baihlaj gaisau song cungj gwn yungh yiengzcoeng fuengfap:

1、Caz gyaeujcoeng hinggep: Aeu 10 gwz gyaeujcoeng, 3 gwz hingndip, di dangznding ndeu. Sien swiq gyaeujcoeng、hingndip seuq ronq baenz gep, caeuq dangz itheij dwk rekmeng gya di raemx ndeu cawj goenj 10 faen cung, raenz aeu raemx de swnh ndat gwn, ndaej yw dwgliengz.

2、Cimq laeuj: Aeu aen gyaeuj- coeng hung baenz gaemxgienz nei bingzfaen guh 8 faenh, dwk roengz 500 daengz 750 gwz laeujmakit nding bae cimq 8 ngoenz le, moix donq caengz gwn haeux gaxgonq dungx byouq seiz gwn faenh gyaeujcoeng ndeu, caemhcaiq ndoet cungj laeuj neix 60 daengz 100 gwz. Aen dan neix ndaej gig yizdaujsu iemqok, gyangqdaemq hezdangz、daez- sang siliz、vanjgaij naetnaiq.