石门小学：让校园变得更加美丽

Sanglinz Yen Dangzhungz Yangh Sizmwnz Siujyoz dwg daengx gih Sawcuengh haeuj hagdangz sawqniemh hagdangz ndawde aen ndeu. 20 lai bi daeuj, Sizmwnz Siujyoz genhciz gvancez “cibroek cih” fuengcim, genhciz Sawcuengh Sawgun song saw vah sonhag, nyinhcaen guh ndei hong sonhag, aeu ndaej cingzcik maenhndei. Vihliux hawj hagseng youq dwz、ci、dij geij fuengmienh cungj ndaej fazcanj, hagdangz guh gak cungj gak yiengh hozdung mizik haenx. Bineix Swcigih Dangjveij、Swcigih Yinzminz Cwngfuj youq daengx gih guh “Gvangjsih gyaeundei·lajmbanj seuqcingh” hozdung, Sizmwnz Siujyoz cizgiz yangjying haucau, gaihcanj “seuqcingh lajmbanj·cang gyaeu hagdangz” hozdung, gyoengq saeseng caez doenghfwngz hwnjdaeuj, baet nyapnyaj、gvak gohaz ndaw hagdangz, sawj aen hagdangz bienq ndaej cingjcaez seuqsak, bienq ndaej gyaeundei dangqmaz. (Lanz Veisungh)