Bineix 5 nyied 23 daengz 24 hauh, Vujmingz Yen Cunghgyauz Siujyoz gyoengq saeseng guh boih Sawcuengh doxdax.

Moix boux lauxsae Sawcuengh caeuq gak ban boux hagseng daibyauj cungj haengjheiq camgya. Gyoengq boux youq gwnz daiz doxdax boih saw, simcingz gikdoengh, sing yaep sang yaep daemq, yaep vaiq yaep menh, boih dwk gamjcingz caenliklik. Ginggvaq doxdax, Banh Lanzfangh daengj 8 boux lauxsae caeuq Banh Yinzcuh daengj 12 boux hagseng aeu ndaej cingzcik ceiq ndei. Baez doxdax neix, ndaej daezsang le lauxsae Sawcuengh caeuq hagseng boih Sawcuengh suijbingz.

（Veiz Ginjcunh）