Fatsa mbaeu yawhfuengz cosih:

Hawj vunzbingh bae giz doeng rumz ndei yietnaiq, hawj de gwn raemx le dingzlai rox cienq dauq ndei. Danghnaeuz miz ciudaeuz yaek fatsa lo, aeu sikhaek lizhai gizdieg ndat, gaej hawj ndit cigciep ciuq daengz gwnz ndang, bae giz raemhliengz naengh yietnaiq, gwn raemx bouj raemx hawj aenndang, miz diuzgen seiz, ndaej gwn di raemxgyu dangz ndeu, yietnaiq yaep ndeu couh hoizfuk dauq ndei.

Fatsa naek yawhfuengz cosih:

Boux fatsa naek danghnaeuz gaenq fatndat、da raiz、hawduet, sien senj de bae giz raemhliengz, gej buh hawj de ninz bingz roxnaeuz ninz ngeng, demh aen’gyaeuj caeuq aenmbaq de hwnj sang, aeu gaen dumz baeng aen’gyaeuj vunzbingh, yungh gaen yub raemxgyoet cat ndang de.

Fatsa youqgaenj wng sikhaek soengq bae yihyen duenq yw. Boux fatsa youqgaenj danghnaeuz gaenq okyienh fatndat、da raiz、hawduet daengj yienghsiengq, wng sikhaek ra vunz buenx soengq bae yihyen ra canghyw duenq yw.