Gvaengzda ndaem dwg cungj yienhsiengq ciengz raen ndeu, haujlai vunz mbouj dawz gienh saeh neix haeuj sim, cijdan nyinhnaeuz dwg ninz mbouj gaeuq cauhbaenz, gizsaed ha, danghnaeuz ciengzseiz gvaengzda ndaem, couh dwg ndangdaej gengangh miz vwndiz lo.

Ciengzgeiz gvaengzda ndaem yenzyinh miz baihlaj geij cungj:

1、Daep haw. Baenz gvaengz- da ndaem saek geij ngoenz dingzlai dwg ngauzhwnz cauhbaenz, cung- faen yietnaiq couh ndei lo. Danh- seih, ciengzgeiz gvaengzda ndaem couhdwg gaenq baenz binghmenh- singq lo, lumj binghmenhsingq aen’daep, daegbied dwg boux goengnaengz aen’daep ciengzgeiz mbouj cingqciengz、boux daep gawhhung, couh ciengzgeiz dwg gvaengzda ndaem. Ciuq liujgaij ndaej rox, daih’iek miz 20% boux daep miz bingh fajnaj、seiqhenz gvaengzda cungj dwg ndaemndet.

2、Dawzsaeg mbouj swnh. Doiq mehmbwk daeuj gangj, boux baenz gvaengzda ndaem engq lai, danhseih ciengzgeiz baenz gvaengzda ndaem, gojnwngz dwg dawzsaeg in roxnaeuz dawzsaeg mbouj swnh yinxhwnj. Cunghyih nyinhnaeuz, dawzsaeg mbouj swnh、dawzsaeg in dwg youz heiq dimz lwed saek yinxhwnj heiqlwed yinhsoengq mbouj lumj bingzciengz cauhbaenz, gvaengzda ndaem couhdwg heiqlwed yinhsoengq mbouj doengz binghciengz yienh ok fajnaj daeuj. Linghvaih, gij mehmbwk dawzsaeg ok lwed lai roxnaeuz rongzva ok lwed hix yungzheih baenz gvaengzda ndaem.

3、Mak hawnyieg. Conzdungj yihyoz nyinhnaeuz, gvaengzda ndaem dwg aenvih mak haw yinxhwnj.

Itbuen aenvih naetnaiq yinx- hwnj gvaengzda ndaem, mehmbwk bingzseiz baujciz ninz gaeuq, habdangq bouj di yingzyangj ndeu couh ndaej. Doengzseiz lai gwn di lwgmak、byaekheu caeuq gijgwn hamz veizswnghsu C lai ndeu, bizyau seiz nunaenx lwgda baujgen roxnaeuz yungh raemxraeuj baeng lwgda. Baujgen fuengfap dwg baenzneix, ciengzseiz yungh lwgfwngzmeh naenx goekrumz 3 daengz 4 faen cung, moix ngoenz naenx 2 daengz 3 baez, haemh- naengz yaek ninz gaxgonq yungh raemxraeuj cimq din, yaugoj hix gig ndei.

Linghvaih, cunghyih nyinh- naeuz, danghnaeuz lwgda bienqvaq haemq mingzyienj, caemhcaiq laebdaeb seizgan haemq nanz, wnggai gibseiz bae yihyen ra canghyw genjcaz.