●8 nyied 16 hauh, Sanglinz Yen Sanhlij Cin youq ndaw cin cungsim gvangjcangz gawjhengz“Sanhlij gyaeundei·lajmbanj seuqcingh”mbanj(gai) gyaeundei fatciengj yizsi, bingzok 20 aen mbanj nem diuz gai he, gij mbanj nem gai neix guh hong baetseuq lajmbanj gig ndei, ndaej heuhguh“mbanj gyaeundei”, caemhcaiq fat duz mou hung biz he hawj moix aen mbanj(gai) , ciengj gyoengqde.

(Bungz Hij Lij Dauyungj)

●Duenh neix, Denhdwngj Yen roengz 110 fanh maenz, saedhengz aen gunghcwngz coih gij roenvaih ndaw singz, guh daengz roen bingz、onj、ndei, hawj vunzlai byaij ndaej cwxcaih.

(Liengz Cwngzfuj Yangz Yenzgyangz)

●Bineix, Nazboh Yen Dwz- ngoz Yangh miz 200 lai boux nungzminz fazcanj duhdoem、haeuxyangz、duhnaz daengj 400 lai moux, dangqnaj gaenq cienzbouh sou sat lo, caemhcaiq ndaej lauxbanj sou bae liux, dan hangh neix couh hawj nungzminz demsou 600 lai fanh maenz.

(Vangz Bizvaz)

●Bineix, Lozcwngz Mulaujcuz Swciyen nyinhcaen saedhengz ciuyez hawj vunzlai souh’ik gungh- cwngz. Daengz dangqnaj, daengx yienh gij vunz demgya ciuyez moq miz 1300 vunz, bouxsaethong caiq ndaej hong haenx miz 290 vunz, boux ciuyez hoj caiq ndaej hong haenx 121 vunz, 4873 boux vunzhong lajmbanj ndaej vuenh hong、243 vunz ndaej cizyez swhgwz cwngsuh、ndaw singz geiq vunz saethong beijlaeh 2.8%.

(Veiz Yuzdai)

●Gaenh bi daeuj, Sanhgyangh Dungcuz Swciyen aeu aen mozsi“nungzhoh+gihdi+hozcozse”haenqrengz hwngfat daegsaek canjyez mbanj miz yiengh he, comzrengz dajcaux nungzyez binjbaiz yiengh lai、mizyauq vaiq、swnghdai haenx, cienz fuengmienh coengh nungzminz demsou.

(Yangz Mingz Gungh Bujgangh)