Daj 7 nyied 18 hauh daeuj, Bingzsiengz Si cungj aeu Vahcuengh dangdieg roengzrengz senhconz hong ciubing, aeundaej yaugoj gig ndei.

Lai ngoenz daeuj, aen si neix gij ci senhconz ciubing、densidaiz、gvangjbo dendaiz、canz camdap ciubing daengj cungj aeu Vahcuengh dangdieg senhconz ciubing, laeb- baenz le cienz fuengmienh ciubing senhconz mozsi. Aen si neix aeu senhconz 《Binghyiz Faz》、 《Diuzli Hong Ciubing》nem mizgven bangfuz cwngcwz guh cungdenj, doedok yaek ciu aeu doengboux vunzcoz yozliz sang haenx, cungdenj gienq doenghboux wngqgaiq gauhcungh bizyezswngh caeuq dayozswngh nem bizyezswngh, heuh doenghboux vunzcoz henzguek dangbing, bauq- aen guekcoj.

Aenvih aeu Vahcuengh dangdieg senhconz, nungzminz bouxboux cungj dingq rox gij senhconz neiyungz, neix hawj ciubing senhconz haeuj rwz haeuj sim, ranzranz cungj rox, liuxle bouxcawjranz cihciz lwg dangbing, vunzcoz hix cizgiz bauqmingz dangbing.

(Vangz Meijcinh)