Lauxsae gou gyaez haenx dwg banhcujyin——Vangz lauxsae, de dwg boux lauxsae gig gyaeundei, gig simsienh, doiq doengzhag gig fucwz ndeu.

Vangz lauxsae aen ndang reuxred, mbouj sang mbouj daemq, ngamq habsik, de gyaez daenj geu vunj saekhenj, yawj hwnjdaeuj gig miz cingsaenz. Naengnoh de gig hau, doiq lwgda mboujdanh miz saenz, lij rox gangjvah dem! Youq gwnz godangz, dou dingqvah, hoiz- dap vwndiz ndaej ndei seiz, lauxsae couh yungh doiq lwgda riunyumj yawj dou, lumjbaenz doiq dou naeuz:“Sou caen ak!” Dou mbouj gamj ndwn hwnjdaeuj hoizdap vwndiz seiz, lauxsae couh yungh doiq lwgda riunyumj yawj dou, lumjbaenz gujli dou naeuz:“Gyayouz ha, mbeihung di!”

Geiq ndaej it nienzgaep seiz, gou sij cih gig yakyawj, Vangz lauxsae couh gig miz naihsim dwk son gou sij cih, lij gwj gujli gou naeuz:“Cijaeu miz saenqsim, couh ndaej dawz cih sij ndei!” Gou dingq gij vah Vangz lauxsae, couh miz saenqsim bae lienh sij cih. Seizneix, gou sij gij cih beij gaxgonq ndei haujlai lo, gou gig docih Vangz lauxsae.

Vangz lauxsae gvensim dou, couh lumj daxmeh ityiengh gizgiz cungj siengj ndaej daengz. Mbouj- guenj dwg ngoenz doek fwnraq, rox- naeuz ngoenz bongj rumzhaenq, de cungj dwg caeuxcaeux couh daeuj hagdangz vih dou gaij cozyez, hwnjdangz.

Vangz lauxsae caen dwg boux lauxsae hungmbwk he! Gou itdingh roengzrengz hagsib, aeu cingzcik ndei daeuj hoizbauq gij gyaez de.

（指导教师：韦珍兰）