□ Hoz Saubangj sij Cinz Siengzcouh Liuz Gingliuj Cinz Siengzgen hoiz

Boux sicangj diegcoj youq Swconh haenx gaisau hawj Veiz Gozcingh naeuz: “Boux neix dwg boux fucujyin caizban si dou Gvangh Yenz, dingqnaeuz Gozcingh dungzci yaek bae ngonz hawciengz, gou cix lingx de caez daeuj lo.”

Gvangh Yenz dwg baez daih’it caeuq Veiz Gozcingh raennaj, mbouj gamj cuengqsoeng geijlai. Veiz Gozcingh nyiengh daengq hawj song boux dungzci neix le, boux de bingzciengz gig yiemzsuk, hoeng ngoenzneix dauqfanj gangj aen vahriu hawj boux hek baez daeuzit daeuj haenx nyi.

De ndwn hwnjdaeuj naeuz Gvangh Yenz: “Mwngz guhlawz ndaej guh fucujyin caizban ne?”

De baez gangj, Gvangh Yenz cix nguengh lo. Lienz Vangz Gwzginz caeuq Yenz Gvanghcaij caemh geizheih raixcaix.

Caem yaep ndeu le, Vaiz Gozcingh youh naeuz: “Gij canjliengh haeuxgwn raeuz wnggai guh ndaej sangsang bae, gij gyaqhuq hawciengz ne wnggai guh ndaej daemqdaemq bae, Lauxvuengz caeuq Lauxgvangh doxvuenh hong gvaqdaeuj cix ndei hani?”

De yienghneix gangj, daihgya cungj angq hwnjdaeuj, Gvangh Yenz caemh cuengqsoeng lo.

Yienzlaiz, Gvangh Yenz dwg youq Hwzlungzgyangh maj laux, sang 1.89 mij, Vangz Gwzginz goeng neix ne dwg youq Guengjsae majhung, dwg boux daemq ndeu.

Vangz Gwzginz riu naeuz: “Gvangh Yenz, raeuz couh ciuq gij vah suhgi daeuzit doxvuenh baez vih vei!”

Gvangh Yenz caeux roxnaj boux dinghcangj neix gvaq, de cingqging dangqmaz naeuz:“Vangz dingh- cangj, heuh gou bae rap diuz hanz naek mwngz, gou dingh deng dimz benj bae ne.”

Yenz Gvanghcaij youq baihhenz caemh nyaenx mbouj ndaej gangjriu naeuz: “Lauxvuengz, gou boux sicangj neix mbouj angqcoux mwngz, mwngz lawh mbouj ndaej Gvangh Yenz bw, de dwg boux ak guh hong caizmou si dou nw.”(caengz sat)