●Vih hawj aen mbanj diemj fuzbinz doenghboux dajciengx daez- sang gisuz dajciengx, 8 nyied 7 hauh banhaet, Bingzgoj Yen Minzcuzgiz youq Gojva Cin Bahlungz Cunh Mbanjganjcung gawjbanh mouseng、yiengzbya、cwznoh daengj dajciengx beizyinbanh, ndaw mbanj neix gungh miz 39 boux ciennieb dajciengx camgya beizyin. Neix hawj doengh- boux dajciengx hagaeu gaemmaenh gij gisuz moq dajciengx doihduz, cekgej dajciengx nanzdaez.

(Cangh Goh)

●8 nyied 7 hauh, Nazboh Yen Minzcuzgiz cujciz canghyw fuzvudui daengz Lungzhoz Yangh aen mbanj Yauzcuz comzyouq haenx—Mbanj- yungz gaihcanj yivu yawjbingh ywbingh hozdung. Ciuq gyoepsuenq, hozdung ngoenzhaenx gungh fat senhconz swhliu 300 lai faenh, ciep vunz genjcaz 100 vunzbaez, vunz caz gengangh 200 vunzbaez, hawj vunz ywbingh 80 lai vunzbaez, fat yw 100 lai hab, gij yw neix dij 1000 lai maenz.(Vangz Bizvaz)

●8 nyied 8 hauh banhaemh, Yizcouh Si youq Lozdungh Yangh Mbanjvuzcunh vwnzva hozdung cungsim gawjbanh Yizcouh Si Dungjyiz Cansen fuzvu lajmbanj nungjyez gisuz daih’it geiz beiz- yinbanh. Ciuq gyoepsuenq, haemh haenx daihgaiq miz 80 vunz camgya dajndaem gosangh ciengx nonsei beizyin, fat swhliu 300 lai faenh.

(Vangz Ging Veiz Mungzvaz)

●8 nyied 9 hauh, Sanhgyangh Dungcuz Swciyen“cien mbanj fanh hoh vwnzyi hawj vunzlai souh’ik gunghcwngz”youq ndaw yienh Linzhih Yangh Gvandung Cunh haidoengh lo. Coglaeng, aen yienh neix yaek dawz dinghseiz“soengq”vwnzva bienqbaenz “dajndaem”vwnzva, youq lajmbanj beizyangj aen vwnzyidui ciengxlwenx youq haenx.(Gungh Bujgangh)

●Vih swnjcienz henhoh Heiq- cuengh Baihbaek cungj guekgya gaep feihvuzciz vwnzva yizcanj neix, Denzlinz Yen yawjnaek genjok lwgnyez beizyangj baenz vunzcaiz Heiqcuengh. Daj 7 nyied 15 hauh daengz 8 nyied 10 hauh, aen yienh neix youq ndaw yienh vwnzva’gvanj gawjbanh lwgnyez diuq foux Heiq- cuengh beizyinbanh, gungh miz 26 boux lwgnyez maenhndei camgya beizyinbanh.(Banh Sauginh)