Gaenh bi daeuj, Denzyangz Yen aeu laebguh“aen singz suenva Gvangjsih”guh fuengyiengq, aeu laebguh aen singz suenva faex va lai youh miz daegsaek mbanj Bouxcuengh haenx guh muzbyauh, gyadaih ligdoh gensez nem gaijguh yienhsingz faex va.

Saedhengz aen gunghcwngz youq ndaw singz ndaem faex va gyahaeuj doenghyiengh Bouxcuengh haenx. Denzyangz Yen gungh roengz 3000 lai fanh maenz youq ndaw singz ndaem faex va, guhsat hong bien cienhangh gveihva youq yienhsingz cienzmienh ndaem faex va haenx, youq Baeuq- roxdoh Vwnzva Gvangjcangz、Huzmakgaivaiz、Saeceij Gim Gvangj- cangz、Gyanghbinhlu、 Byasaeceij Gunghyenz、Sanhleiz Diegrum Gvangjcangz、Gamjcuengh Dadau daengj ndaem faex va seiz, dawz yenzsu Bouxcuengh lumj Man、duzdwngz Bouxcuengh、aendomq daengj cang haeujbae.

Yawjnaek swnghdai binjvei, dajcaux binjbaiz daegsaek Boux- cuengh. Aen yienh neix dingh le aen muzbyauh laebguh aen singz ndeiyouq miz daegsaek mbanj Bouxcuengh, ciuq aen lohnaemj cienzbouh ndaem faex rum hwnj gveihmoz、ciennieb ndaem faex va hwnj suijbingz、dieg faex rum gensez ok cinghbinj haenx, cungdenj dajcaux Baeuqroxdoh vwnzva daegsaek binj- baiz. Roengz 1100 fanh maenz gaijguh Baeuqroxdoh Vwnzva Gvangjcangz, Baeuqroxdoh Vwnzva ndaej supsou haeuj ndaw gaijguh hengzdoengh bae, neix ndaej vunz ndawsingz haenh ndei. Linghvaih, aen yienh neix lij aeu faexmakgai、faexmakgaivaiz daengj gij faex miz daegsaek Bouxcuengh haenx ndaem coq henz loh, guhbaenz yienghsiengq sam nyied va rim ndoeng、loeg nyied mak rim faex. (Vangz Lenzyangh)