贵港市覃塘区蒙公乡古山小学 韦玉梅

Haemhlwenz, gou loq fangzhwnz, loq raen swhgeij bienqbaenz boux gohyozgyah ndeu, fatmingz le cungj saw gig saenzgeiz ndeu.

Cungj saw neix caeuq gij saw bingzciengz ca mbouj geijlai, cij dwg gwnz ndang lai le geij aen haigven. Ndawde sou miz gak cungj saw, neiyungz fungfouq. Cijaeu mwngz dwkhai aen haigven saekloeg, mwngz couh ndaej cazyawj gij neiyungz mwngz siengj aeu yawj haenx, danghnaeuz mwngz yawj seizgan daiq nanz, de vanzlij rox daezsingj mwngz guh lwgda baujgencauh ne ! Aenvih doiq da couh dwg aen cueng raeuz, raeuz wngdang ndeindei baujhoh de.

Danghnaeuz mwngz dwg youq banhaemh yawj saw, mwngz couh dwkhai aen haigven saekhoengz, bonj saw couh sikhaek rongh hwnjdaeuj, yienghneix raeuz yawj saw couh fuengbienh lai lo. Danghnaeuz mwngz dwg dwkhai aen haigven saeklamz, bonj saw neix vanzlij rox dawz gij cih ndaw saw doeg hawj mwngz nyi. Yienghneix, boux damengz hix ndaej doegsaw lo, geijlai ndei ya !

……

“Siujmeiz, vaiq hwnqdaeuj lo.” Daxmeh youq henz rwz gou hemq naeuz. Gij loq fangzhwnz gou deng heuh singj lo……(指导老师：李专红)