●Lai bi daeuj, Vanzgyangh Mauznanzcuz Swciyen yawjnaek yungh guekgya cwngcwz bangfuz minzcuz giyez. Daj 2009 nienz daeuj, gaenq miz 19 aen minzmou giyez ndaej banh daigvanj diep leihsik, gungh 47721 fanh maenz, gungh diep leihsik 1241.7 fanh maenz.（Veiz Vwnjbangh）

●Geij ngoenz gonq, Denh- dwngj Yen 2000 moux giux ndaej fungsou, guj daengx bi cungj- canjlieng 343.28 dun, ciuq dangq- naj gij gyaq hawciengz suenq, neix hawj dangdieg doenghboux daj- ndaem giux haenx bingzyaenz moix boux demsou 500 lai maenz.

(Liengz Cwngzfuj Suh Yingzyingz)

●Daj bi’gvaq daeuj, Yungz- suij Myauzcuz Swciyen heij guh“mbanjmbanj doeng roensuijniz gunghcwngz”, aeu “gensez- gyauhawj” daengj mozsi comz cienzngaenz gyagiengz lajmbanj gyauhdungh gensez, ceng youq 4 bi dauqndaw saedyienh moix aen hingzcwngcunh doeng roensuijniz,cugmbaek gaijndei gak minzcuz swnghhoz swnghcanj diuzgen.Dangqnaj, gaenq haigoeng guh 28 diuz, bineix giva guh 31 diuz.

(Liu Swngyinz)

●Bineix, vih cienzmienh rox- yiuj Hingh’anh Yen gij cingzgvang saujsu minzcuz faenbouh haenx, Hingh’anh Yen Minzcuzgiz leih- yungh gyawj buenq bi seizgan, diuyenz le daengx yienh gij gihbwnj cingzgvang saujsu minzcuz cojyouq (Yauzcuz、Bouxcuengh、Veizcuz) miz 20 vunz doxhwnj haenx, neix haemq cienzmienh rox ndaw yienh gij gihbwnj cingzgvang saujsu minzcuz, vih hong ngoenzlaeng laebndei gietdaej.

(Liengz Dingyouj)

●Geij ngoenz gonq, Nazboh Yen Minzcuzgiz caeuq Nungzyezgiz、Linzyezgiz lienzhab gawjbanh sauj- su minzcuz nungzminz nungzyez gisuz beizyinbanh, doenghboux saujsu minzcuz gisuz ak haenx gungh 250 vunz daj 9 aen yangh(cin) 127 aen cunh daeuj camgya baez beizyin neix.

(Hij Dwzhoz)