Vih baujcwng bi 2013 haggeiz seizcou Cuengh Gun song saw vah gyaucaiz ndaej ciuq seiz ciuq cizlieng oksaw, 7 nyied 25 hauh daengz 27 hauh, Swcigih Gyauyuzdingh youq Bahmaj Yauzcuz Swciyen ciuhai bi 2013 haggeiz seizcou Cuengh Gun song saw vah gyaucaiz benhsinjvei. Cunghgoz Minzcuz Yijvwnz Fanh- yizgiz fugizcangj Lij Yuzlen caeuq Swcigih Gyauyuzdingh Minzcuz Gyauyuzcu cucangj Veiz Lanzmingz daengz yienhciengz haihoih, caemh- caiq guh cungyau gangjvah.

Youq gwnz hoih, Veiz Lanz- mingz giengzdiuh, yaek aeu gohyoz daidu daeuj nyinhcaen bien gyaucaiz, guhdaengz byauhcunjva caeuq gveih- fanva. De vixok, Cuengh Gun saw vah sonhag gij guhfap conzdungj yawjnaek dawz Sawcuengh dangguh“diuzdwngx”hag Sawgun, dan giengzdiuh dawz Sawcuengh dang yiengh hongdawz he. De naeuz, dangqnaj bien Cuengh Gun song saw vah gyaucaiz, aeu yawjnaek gij vwnzva swhyenz gunghnwngz Sawcuengh miz haenx, cungdenj dawz Sawcuengh cihsiz caeuq vwnzva Bouxcuengh maenhndei doxhab hwnjdaeuj, miz- yauq swnjcienz vwnzva minzcuz maenhndei.

Swcigih Gyauyuzdingh Cuengh- biensiz yizsinj Lingz Hinghningz cungjgez bi 2013 haggeiz seizcou Cuengh Gun song saw vah gyaucaiz biensij caeuq bienhoiz gunghcoz, anbaiz bi 2014 haggeiz seizcin Cuengh Gun song saw vah gyaucaiz bienhoiz gunghcoz. Gvangjsih Minzcuz Cuz- banjse Sawcuenghsiz Veiz Caijgenh cujyin gaisau bi 2013 haggeiz seizcou gyaucaiz Sawcuengh benhciz oksaw cingzgvang. Liuxle, gyoengq conhgyah gangjlwnh Cuengh Gun song saw vah caemhyamq sonhag mozsi sizyen caeuq gyaucaiz gaijgwz vwndiz.

Mboengq haihoih haenx, gyoengq lingjdauj caeuq conhgyah lij gonq- laeng bae daengz hagdangz Cuengh Gun song saw vah Bahmaj Yen、Dunghlanz Yen guh gaujcaz diuyenz.

Ndaw doz dwg haihoih yienh- ciengz. （Moz Sangvwnz）