□ 关仕京 搜集翻译

（接上期）

Sai: Daengq nuengx coenz daih’it,

Gaej guh bit daiq gan;

Couh suenq mbaej caemh ranz,

Vanzlij gyaez gangjriu.

男：嘱妹第一句， 莫做奸猾鸡；

就算不共屋， 仍欢歌笑语。

Mbwk: Daengq mwngz coenz daih-

ngeih，

Mbouj yungzheih doxraen；

Caiq mbouj ndaej guhcaemz，

Wnggai aenq coenz vah.

女：嘱你第二句， 相见不容易；

即使不共玩， 应谨慎言语。

Sai: Daengq nuengx coenz daihngeih，

Coenz lawz ndei menh lwnh；

Mbaej caemh youq caeuq gwn，

Gangj sim swnh cij dwg.

男：嘱哥第二句， 哪句好才讲；

虽不能同住， 善言也应当。

Mbwk:Baez daengq coenz daihsam，

Mbaej caemh ranz doengz gwn;

Ndiep simsaej mbouj lumz，

Gyaez ciengzyinz geiqniemh.

女：嘱咐第三句， 没能在一起；

疼爱心难忘， 思念永牢记。

Sai: Daengq nuengx coenz daihsam，

Wngdang ngeix bae laeng；

Seiq neix raeuz mbouj baenz，

Daengq daihlaeng yaek byaij.

男：嘱妹第三句， 应着眼未来；

此辈不成亲， 后辈要结拜。

Mbwk: Caiq daengq coenz daihseiq，

Gaej yungh heiq baenzlai；

Caen lij gyaez dahraix，

Gaej doeknaiq simliengz.

女：再嘱第四句， 不用太忧虑；

若真还相爱， 别灰心泄气。

Sai: Caiq daengq coenz daihseiq，

Mbouj yungzheih doxfungz；

Miz vah caemh goj un，

Gaej vitfwngz mbouj goq.

男：再嘱第四句， 相逢不容易；

有话常交谈， 别丢弃不理。

Mbwk: Daengq mwngz coenz daihhaj，

Gangjvah yaek cingqging；

Miz baenzlai simcingz，

Gaej yawj lingh cograwz.

女：嘱你第五句， 要正经出言；

有恁多情谊， 将来莫另眼。

Sai: Gou daengq coenz daihhaj，

Baema dauq song raeuz；

Miz baenzlai cingzhaeuh，

Ij baenzyouj ndaej lumz.

男：我嘱第五句， 来往总两人；

有诸多厚意， 绝不忘情分。

Mbwk: Gou daengq coenz daihroek，

Byaij doxroeb yaek naeuz；

Cukyienz mbouj baenz aeu，

Lij ndiep raeuz simsaeh.

女：我嘱第六句， 路遇要问候；

即使不成婚， 还爱在心头。

Sai: Baez daengq coenz daihroek，

Gaej hawj doek gyang vaengz；

Raeuz song boux doxgaem，

Gaej hawj doek gyang dah.

男：叮嘱第六句， 别让掉潭里；

咱两人相牵， 不让掉河去。

Mbwk: Caiq daengq coenz daihcaet，

Gaej luenh saet luenh bae；

Raen dah lawz haemq ndei，

Cungj gaej ngeix beix nw.

女：再嘱第七句， 别乱奔乱跑；

见漂亮姑娘， 都别去讨好。

Sai: Caiq daengq coenz daihcaet，

Dangq aendaep riengh mbei；

Yawj haeuj laeng mwngz bae，

Cungj mbouj ngeix bouxwnq.

男：再嘱第七句， 好像肝连胆；

结交了阿妹， 别个不再看。

Mbwk: Daengq mwngz coenz daihbet，

Vah goj mbek song baih；

Mbouj yungh gangj baenzlai，

Doxdaih gvaq seiqvunz.

女：嘱你第八句， 话分两边说；

别讲一大堆， 此生相伴过。

(caengz sat)