1、Makyungz duhheu yw sim cieg: Aeu 2 aen makyungz、20 gwz duhheu. Sien baek duhheu naemz, aeu gij dang de soengq makyungz gwn, baez dog gwn liux. Ngoenz 2 daengz 3 baez, caengz gwn haeux gaxgonq dungx byouq seiz gwn roengzbae.

2、Gaeu lwgbieng yw hezyaz sang: Aeu gaeu lwgbieng ndip 60 gwz (gaeu sauj 30 gwz) gya 600 hauzswngh raemx, baek daengz lw 300 hauzswngh raemx baedauq seiz faen 3 baez gwn, roxnaeuz ndingq roengz boibaujraeuj bae dang caz gwn, ngoenz fuk.

3、Lwggwz gek raemx naengj gwn gyangq hezyaz: Aeu 2 aen lwggwz hau, swiq seuq buqhai dwk dieb, gya di gyu、youz ndeu, gek raemx naengj gwn ndaej giep fung doeng meg、gyangq hezyaz. Lwggwz ceiq ndei gaej dat naeng bae.

4、Maknguh yw heiqguenj- yiemz: Aeu 500 gwz maknguh deng mwi rwed gvaq ma gya 200 gwz dangzrwi naengj baenz lumj gau nei, cuengq roengz bingz bae ce ndei, haethaemh dungx byouq seiz gak gwn geng ndeu.

5、Gyaeqgaeq、 coeng yw baenzae: Aeu aen gyaeqgaeq ndeu, 3 go coeng (moix go daiq buenq dug coengbieg), di raemx caeuq di dangznae ndeu, gek raemx aeuq 15 daengz 20 faen cung, gwn haeux sat gwn dang, itbuen gwn 3 daengz 5 baez couh ndeidingh.