□ Suh Dasingh /苏大星

Bi it gouj ngeih caet

Bet nyied haet it hauh

Nyi sing cungq sing bauq

Bouxbing gauj hoenxciengq

Gungcanjdangj hai bauq

Nanzcangh gauj gijyi

Wnhlaiz caeuq Cinz Yi

Cungq diz fanjdungbai

Cuh Dwz caeuq Ho lungz

Yinx gyoengqdoih baenaj

Gijyi naeuz caezgya

Cungq yiengj ma baez nduj

Budui bae lajmbanj

Ganj laeb gwnhgidi

Byaij riengz Mauz cujsiz

Gwzming miz maqmuengh

Hungzginh byaij cangzcwngh

Buekmingh daengz Yenzanh

Gwzming youh fazcanj

Youq Sanjbwz hoenghhwd

Dingj hoenx fangz Yizbwnj

Yinzminz hwnjdaeuj bang

Fangz Yizbwnj douzyangz

Daengx guek angqfwngfwng

Dajdauj fangjdungbai

Caiq laeb Cungguek moq

Gej beksingq haemzhoj

Hen guekcoj bingzan

Yinzminz gaijfangginh

Cin(caen) dingq dangj vix cungq

Heuh daeuj couh naengz cung

Baez gung couh aeu hingz

“8·1” cietgenginh

Sing gunghoh gokyiengj

Caez dawz singgo ciengq

Riengz dangj byaij daengznauq

Genginh bet roek bi

Lizsij guhcingq raeuz

Sinhoj byaij gvaq daeuj

Baihnaj gyaeu youh rongh