Mwh mwngz gamjdaengz da hoengz rwz maenj、nohheuj foeg- gawh、bak linx hwnj baez、hoz in bak sauj、nyouh siuj saek hoengz、haex ndongj haex gaz seiz, couh dwg gaenq hwnjhuj lo.

Dwen daengz hwnjhuj, yenz- yinh miz gak cungj gak yiengh. Lumjbaenz cingzsi fubfeb、fatsa、siengfung、dwgliengz、ninz mbouj ndaek daengj, cungj dwg gij yinhsu hwnjhuj. Ngoenznaengz gwnndoet gaej dam gwn gijgwn biz nywnx, lumj nohvaiz、nohyiengz, gij noh neix mbouj hab seizhah gwn.

Conhgyah vixok, doiqfouq seizhah hwnjhuj ceiq ndei dwg bingzseiz lai gwn raemx, caemhcaiq ngoenz sam donq cujyau gwn gijgwn yungzheih siuvaq guhcawj. Bingz- seiz aeu siuj gwn manh、gij huq youz caq. Siengj yawhfuengz hwnjhuj, ndaej lai gwn di dang siu huj caeuq caz siu huj ndeu, lumj dang duhheu、cazvagut daengj, hix ndaej gwn di lwghaemz、 beghab he.