□ 关仕京 搜集翻译

（接上期）

Mbwk: Caiq biek yamq daihroek，

Dangq goep muengh cingmingz;

Ngoenz maz ndaej nyi sing，

Dauq raen ingj mwngz baez.

女：又别第六步； 似蛙盼清明；

哪天听见声， 又见你倩影。

Sai: Biek nuengx yamq daihroek，

Ngeix foekfoekfanfan；

Gak boux biek gak ranz，

Caemh gannanz doxraen.

男：别妹第六步， 我反复思惦；

各人在各家， 实在难相见。

Mbwk: Doxbiek yamq daihcaet，

Dangq san raep fouz rwz；

Biek ma ranz gag ywq (youq)，

Ngeix mbwq haeux mbouj gwn.

女：相别第七步， 似编无耳篮

回家独自住， 忧闷不思饭。

Sai: Biek nuengx yamq daihcaet，

Ninz da laep mbouj caem；

Baez ngeix daengz mwngz ngaenz,

Ndang saenz mbouj gyaez hwnq.

男：别妹第七步， 晚觉眼不闭；

一想到银妹， 身抖不愿起。

Mbwk: Doxbiek yamq daihbet，

Laeujget bienq baenz meiq；

Dauq deq daengz geijseiz，

Ndaej doengzdoih guhcaemh.

女：相别第七步， 烈酒变成醋；

要等到何时， 得同乐共处。

Sai: Biek nuengx yamq daihbet，

Mbek raemx gvaq song haenz；

Ngoenz maz dauq doxraen，

Ndaej guhcaemz gangjgoj.

男：别妹第八步， 分水过两边；

何日再相会， 能玩耍聊天。

Mbwk: Biek beix yamq daihgouj，

Sengj gag youq mbouj an；

Daengz geijseiz doengzban，

Dauq ndaej nyangz raen naj.

女：别哥第八步， 独处急心间；

到几时同伴， 又相逢见面。

Sai: Biek nuengx yamq daihgouj，

Dangq roegraeu gwnz caz；

Gau biek bae liux ga，

Ndaej raen naj rox ndwi.

男：别妹第九步， 似树上斑鸠；

已经离别去， 见面要多久？

Mbwk: Sat biek yamq daihcib，

Dangq raemxgip diuq dan；

Caih de raeh rox vang，

Camh mbouj gangj lo doengz.

女：终别第十步， 像急水跳滩；

任它横或竖， 暂停不再谈。

Sai: Sat biek yamq daihcib，

Dangq ma gip roengzdeih；

Gou hix bae hix ngeix，

Lau mbouj geiq cograwz.

男：末别第十步， 像狗急下地；

我边走边想， 怕将来忘记。

Mbwk: Yienznaeuz biek mwngz bae，

Coenz lawz ndei cij gangj；

Byaij roeb mwngz baez cam，

Gaej han vang han raeh.

女：虽离别你去， 哪句好才叙；

路遇打招呼， 别胡言乱语。

Sai: Gak boux biek gag bae，

Caemh yaek ngeix cij baenz；

Coenz lawz ndei menh daengq，

Mienx gvaqlaeng hoj muengh.

男：两人奔东西， 应该相惦记；

好话相嘱咐， 免后悔不已。

Cib、Doxdaengq

相嘱

Sai: Ngoenzneix biek baema，

Raeuz caezgya gaej lumz；

Gou daengq mwngz nuengxlwnz，

Gaej guh vunz lai sim.

男：今天辞别去， 咱不忘情意；

我嘱咐妹伦， 莫做多心女。

Mbwk: Mbouj yungh daeggo naeuz，

Faenhgou cungj gag lwngj

（rox）;

Nuengx caenh heiq faenh

mwngz,

Bienq vit fwngz mbouj goq.

女：不用哥言语， 我自己知悉；

妹总担心哥， 变心丢不理。

Sai: Ndaej yienghneix cix baenz，

Cingqcaen dwg baengzyoux；

Daengq cib caiq daengq gouj，

Hawj vunz naeuz mbouj ndei.

男：这样做才好， 是真正朋友；

反复嘱咐你， 变心被人诟。

Mbwk: Mbouj yungh mwngz beix

daengq，

Gou ngeix daengz gag siengj；

Deq mwngz gap beixnuengx，

Mbouj laebluenh gvaq lawz.

女：不用哥教导， 我自会想到；

等你结伉俪， 不随意乱跑。

Sai: Ndaej guh daengz yienghneix，

Faenhbeix cij cuengqsim；

Mwngz ndaej hoengq ga gim，

Goj daeuj cimh guhcaemz.

男：能这样守信， 哥我就放心；

倘若妹有空， 来找我细倾。

Mbwk: Daengq beix coenz daih’it，

Doxvit caemh mbouj baenz；

Couhcinj sim mbouj haengj，

Byaij doxraen yaek heuh.

女：嘱哥第一句， 不要相抛弃；

即使心不爱， 相逢应有礼。

(caengz sat)