Makdumh、makyinghdauz、mak- yungz、makdauz naeng nding, mboujdanh ndingfwg nyex vunz ngah gwn, youq ndaw lwgda cunghyih ciengx ndang conhgyah engq dwg cungj meijyungz、dingj nyieglaux、baiz doeg、ciengx sim、fuengz baenz dwgliengz he.

Canghyw okmingz Yangz Liz gyausou naeuz, daj cunghyih lijlun daeuj gangj, ciengz gwn gij byaek mak saeknding ndaej hawj saeknaj hoengzmaeq. Daj sihyih gakdoh daeuj gangj, cungj byaek mak saeknding neix hamz veizswnghsu C、veiz- swnghsu E、gij nding makyungz daengj, ndaej dingj nyieglaux、meijyungz, lij ndaej yawhfuengz baenz dwgliengz dem.

Daj cunghyih lijlun daeuj gangj, ciengz gwn byaek mak saeknding mboujdanh ndaej hawj sailwed bienq unq, gyangq hezcij, lij ndaej cawz caep leih raemx dem. Yangz Liz gyausou naeuz, cungj byaek mak neix dwg cungj dingj yangjva doxgaiq ndeu, gwn de ndaej bang ndang vunz doiceiz nyieglaux、fuengz vunz baenz aiz.