□ 关仕京 搜集翻译

（接上期）

Gouj、Doxbiek

辞别

Mbwk: Gangjgoj mbouj rox yaemz，

Guhcaemz mbouj rox gaeuq；

Camh biek ba baengzyoux，

Gvaqlaeng menh dauq daeuj.

女：聊天无尽头， 玩耍总不够；

朋友暂分别， 以后多交流。

Sai: Gangj doxbiek liux nei，

Gou ngeix engqgya vueng；

Gau biek liux nuengx ngaenz，

Lij ndaej raen dem ha?

男：提到别离远， 我心割半边；

别银妹以后， 何日能相见？

Mbwk:Lij doxgyaez liux ga，

Daengq vah gaej yungh you；

Ndaej hoengq raeuz dauq daeuj,

Cingj beix gou gaej heiq.

女：还爱在心头， 嘱咐莫担忧；

空闲咱再来， 请我哥别愁。

Sai: Gau baez biek liux ngaenz，

Ngeix daengz caemh doeknaiq；

Biek gak boux gak baih，

Ngoenz maz byaij ndaej nyangz.

男：辞别了银妹， 想到就心灰；

各人在一方， 哪天能相随？

Mbwk: Gou biek mwngz liux beix，

Baez ngeix aek caemh in；

Miz baenzlai aencingz，

Lij nyinh mwngz beixgim.

女：我别哥以后， 一想痛心头；

有恁多情谊， 永为哥守候。

Sai: Nuengx baez biek liux gax，

Daengz ngoenz maz daeuj cimh；

Baez biek mwngz liux gim，

Diem din mbouj gyaez yamq.

男：别妹回村寨， 何日能再来；

辞别你金妹， 抬脚不愿迈。

Mbwk: Gaej heiq lai ha beix，

Gaej ngeix lai ha gim；

Caiq mbouj ndaej doxcing，

Lij ndiep cingz naekna.

女：哥别老忧怨， 哥莫太思念；

就算不成亲， 爱你情不变。

Sai: Gaenq biek liux doengzban，

Ma ranz caez gag siengj；

Song raeuz dangq beixnuengx；

Ndei doxvuenh simdaeuz.

男：同伴辞别走， 回家自忧愁；

咱俩如兄妹， 好互换心头。

Mbwk: Biek yamqdin daih’it，

Dangq cuengq bit roengz naz；

Rox deq daengz ngoenz maz，

Dauq raen naj mwngz lwnz.

女：离别第一步， 如放鸭下田；

不知到何日， 再与妹见面。

Sai: Biek yamqdin daih’it，

Dangq cuengq bit roengz raengz；

Hanz gyaez cungj mbouj raen，

Caem baenz rin doek haij.

男：辞别第一步， 如放鸭潭里；

虽爱难相见， 似石沉海底。

Mbwk:Biek yamqdin daihngeih，

Dangq valeiz co loenq；

Deq daengz ngoenz maz doengz,

Byaij hwnjroengz doxnyangz.

女：惜别第二步， 如梨花谢去；

等哥到何时， 来往能相遇。

Sai: Biek nuengx yamq daihngeih，

Dangq biengzbeih sanq haw；

Mbouj rox daengz ngoenz lawz，

Dauq ndaej yawjraen mwngz.

男：别妹第二步， 如蜻蜓散圩；

不知到哪天， 再能见到你。

Mbwk: Biek beix yamq daihsam，

Byaij gvat vang gvat raeh；

It daeuj feiq dungxsaej，

Ngeih daeuj ngeix mwngz lai.

女：别哥第三步， 我步履蹒跚；

一来费心机， 二对哥难忘。

Sai: Biek nuengx yamq daihsam

Dangq duznyanh doek gox；

Daengz ngoenz lawz mbouj rox，

Ndaej byaij loh doxfungz.

男：别妹第三步， 如大雁掉队；

不知在何日， 走路能相会。

Mbwk: Baez biek yamq daihseiq，

Heiq dwk noh gou ndaem；

Caenh naeuz byaij ndaej raen,

Suenq fukfaenh gou miz.

女：痛别第四步， 我忧脸发青；

要是能相见， 算三生有幸。

Sai: Baez biek yamq daihseiq，

Dangq ndaundeiq gwnzmbwn；

Daengz ngoenz maz doh lwnz，

Dauq ndaej cunz raen naj.

男：伤别第四步， 似星星在天；

到哪天呀妹， 寻访又相见。

Mbwk: Caiq biek yamq daihhaj，

Dangq go’gyaj muengh fwn；

Vaiz biek meh cix hung，

Vunz biek vunz cix naiq.

女：再别第五步， 似秧苗盼雨；

牛别娘则大， 人别人丧气。

Sai: Baez biek yamq daihhaj，

Dangq duzmbaj daep oen；

Gak boux biek gak roen，

Dangq daengngoenz doek congh.

男：再别第五步， 如蝶被钩住；

各人走一边， 像日落山谷。

(caengz sat)