很多时候，失败者并不是输在才能与机遇上，而是败在了那么一点点坚持和忍耐上。成功者与失败者的区别，只是多了一点坚持和忍耐，有时是一年，有时是一天，有时仅仅只是一遍鸡鸣。

相传，有两个人向酒神求教如何酿酒。酒神授之以法：选端阳那天饱满的米，与冰雪初融时清冽的高山流泉之水调和，注入千斤紫砂土铸成的陶瓮，再用初夏第一张看见朝阳的新荷盖紧，紧闭九九八十一天，直到鸡叫三遍后方可启封，酒即成矣。

二人历尽千辛万苦，克服重重艰难险阻，终于找齐了所有的材料。他俩按照酒神的吩咐把酿酒的材料调和密封好，然后潜心等待那激动人心的时刻的到来。

多么漫长的等待啊。

漫漫长路的终点终于触手可及，第八十一天终于到来了。两个人整夜都不能入睡，等着鸡叫的声音。

这时远远地传来了第一声鸡叫，仿佛过了很久很久，依稀传来了第二遍鸡叫，第三遍鸡叫什么时候才能传来呢？

其中一个人忍不住了，他迫不及待地打开了陶瓮，却惊呆了——里面是一汪浑水，酿出的酒的味道又苦又酸，他后悔极了，失望地把酒洒在地上。

而另外一个，虽然欲望仿佛一把火一样在他心里慢慢地燃烧，让他按捺不住想要伸手，但他还是咬咬牙，坚持到了最后的第三遍鸡叫响彻天空。他打开陶瓮：多么甘甜清澈、沁人心脾的美酒啊！

他成功了，与前者相比，只是多等了一遍鸡鸣而已。

Haujlai seiz, saetbaih mbouj dwg saw youq mwngz miz mbouj miz caiz roxnaeuz bungq mbouj bungq daengz ndei seizheiq, cix dwg saw youq di genhciz he caeuq nyaenx mbouj nyaenx ndaej youq. Guh ndaej baenz caeuq guh mbouj ndaej baenz mbouj doxdoengz haenx, cij dwg lai di genhciz caeuq nyaenx ndaej, miz seiz dwg bi he, miz seiz dwg ngoenz he, miz seiz ngamq dwg baez gaeq haen he.

Cienznaeuz, miz song boux vunz bae gouz goengsaenzlaeuj son songde baenzlawz ngauz laeuj. Goengsaenzlaeuj son banhfap hawj gyoengqde dwg: Genj gij haeuxfag youq ngoenz ngux nyied co’ngux sou, caeuq raemxnae sawndik gwnz byasang ngamq yungz laeretret haenx doxndau yinz, cuengq haeuj aen gangvax yungh cien gaen namhgyaemq baenjguh coemh baenz haenx bae, caiq yungh mbawngaeux mwh ngamq haeuj seizhah gyanghaet mbaw daih’it raen daengngoenz haenx daeuj goemq red, fung ndaet goujgouj betcib it ngoenz, cigdaengz gaeq haen sam baez le cij ndaej hai gang, yienghneix laeuj couh guh baenz lo.

Song vunz sinsin hojhoj, mbouj rox haekfug geijlai gannanz yungyiemj, doeklaeng ra ndaej caez doenghgij doxgaiq ngauz laeuj lo. Song boux de ciuq saenzlaeuj naeuz haenx bae guh, yienzhaeuh naihsim caj ngoenz guh baenz laeuj haenx daeujdaengz.

Seizgan caj raezrangrang.

Caj bae caj dauq, daih betcib it ngoenz dauqdaej daeujdaengz lo. Song boux de daengx hwnz cungj mbouj ninz, caj sing duzgaeq haen.

Seizhaenx gizgyae cienz daeuj baez gaeq haen daih’it, lumjbaenz gvaq haujlai nanz, mumjgyumq cienz daeuj baez gaeqhaen daihngeih, baez gaeq haen daihsam seiz lawz cij cienz daeuj ne?

Song boux de miz boux he nyaenx mbouj youq lo, de daengj mbouj gib bae hai aengang, hoeng de mwnh lo——ndaw gang dwg gang raemxnoengz he, feih laeuj youh haemz youh soemj, de ienqhoij lai lo, gig saetmuengh dwk raix gang laeuj bae.

Lingh boux he, yienznaeuz de hix miz di nyaenx mbouj youq, de hix siengj bae hai gang laeuj, hoeng doeklaeng de lij dwg nyaenx youq, genhciz daengz baez gaeq haen daihsam. Gaeq haen baez daihsam le, de hai gang laeuj: Ndaw gang laeuj sawniknik, homfwdfwd, nyouq gij feihlaeuj homfwdfwd haenx vunz cungj yaek fiz bae!

De guh ndaej baenz lo, caeuq boux gaeq ngamq haen song baez couh hai gang haenx doxbeij, de cij dwg lai caj baez gaeq haen he ajmah.

(Mungz Yenginz hoiz)