Bi it gouj ngeih it

Nditndat ciuq Nanzhuz

Daibyauj hoih ndaw ruz

Laebguh Gungcanjdangj

Daengngoenz ok baihdoeng

Nyumx hoengz dieg duzlungz

Ok boux Mauz Cwzdungh

Yinx gyoengqvunz baenaj

Cingjganghsanh gwzming

Daz beksingq fanndang

Guhcawj dawz gya dang

Angqyangz gvaq saedceij

Hengz dujdi gwzming

Reihnaz dingh bouxhoj

Nungzminz ndaej ciuqgoq

Gwzming doh hoenghhwd

Bing vunzdig daeuj humx

Seiq baez sumx(moeb) de baih

Baez daihhaj dingj caix

Dangj cij byaij cangzcwngh

Cunhyi hai veiyi

Mauz cujsiz guhdaeuz

Gwzming youh ndaej gouq

Caiq byaij haeuj roencingq

Cangzcwngh gvaq byanae

Caiq soemh bae diegnywj

Gvaq dieghoj diegfwz

Daengz Sanjbwz Yenzanh

Hoenx Yizbwnj daeuj ciemq

Giemq faeg de couh baih

Cawzraeg fanjdungbai

Gaijfang daengx guek raeuz

Gungcanjdangj dazyinx

Yinzminz dawz gya dang

Gwndaenj ndaej daezsang

Coh siujgangh bae nyaemz

Laeb dangj gouj ngeih bi

Sinhoj vih Cunghvaz

Gyaez yinzminz miznaj

Ceih guekgya fouqgiengz