●6 nyied 19 hauh, Bingz- siengz Si Yasiz Cin Cwngfuj、Yasiz Segih doengzcaez gawjbanh“Yasiz Cin daihseiq gaiq eu fwen yisuzcez nem mbanjranz gyaeundei”eu fwen doxdax, miz gyawj 100 lai boux canghfwen camgya, gyawj 2000 boux ginzcung daeuj ngonzyawj, yienhciengz gig nauhyied. Baez hozdung neix hawj vunzlai engq yawjnaek veiswngh, hix hungzyangz le vwnzva conzdungj minzcuz henzguek.

(Vangz Meijcinh)

●6 nyied 21 hauh, Yungzsuij Myauzcuz Swciyen Swyungz Yangh Dangjveij、Cwngfuj caeuq cwnghez、linzyez、veiswngh daengj bumwnz danhvei gungh 130 lai boux dangjyenz caeuq ginzcung dangdieg faenbied youq Lanjgouj、Siujsuh、Anhdangz daengj 7 aen cunh mbanj baet nyapnyaj, gungh baet bae 20 lai dun nyapnyaj, aeu gij fuengsik daegbied neix angqcoux dangj laebbaenz 92 hopbi.

(Lungz Linzci Yangz Baujanh)

●6 nyied 13 hauh, ciengz Gvangjsih eu fwen doxdax aeu“Cungguek siengjmuengh·Gvangj- sih gyaeundei·lajmbanj seuqsat” guh cawjdaez haenx youq Sieng- couh Yen hai daiz. Ginggvaq doxdax, Majsanh Yen Sanhgohdui ndaej gimciengj, canghfwen Vangz Vwnzgvangh ndaej heuhguh“Gvangjsih fwenvuengz”.

(Banh Bingjcinz)

●6 nyied 20 hauh, Ningz- mingz Yen Minzcuzgiz cujciz gyoengq ganbu cizgungh ndaw danhvei nem danhvei baihlaj, bae aen cunh doxlienz Nazganh Yangh Swvei Cunh, guh“Gvangjsih gyaeu- ndei·lajmbanj seuqsat” hozdung, caeuq yangh ganbu nem vunzlai ndaw cunh itheij baet mbanj.

(Luz Yezvaz)

●6 nyied 19 hauh, youq gwnz“Cungguek mbanjranz vwnzva minzsuz” fat baiz yizsi, Nanzningz Si Lungzanh Yen、Liengzging Gih、Yunghningz Gih faenbied ndaej heuhguh“Cungguek mbanjranz vwnzva naz”、“Cungguek mbanjranz fwen Leuloz”、“Cungguek mbanj- ranz vwnzva Betyaem”.

(Banh Bingjcinz)