Bonjbauq siusik (gicej Yangz Lanzgvei) 6 nyied 24 hauh, Swcigih Minzveij、Minzyijveij youq Gvangjsih Minzcuz Dayoz doengzcaez gawjbanh“2013 nienz daengx gih minzveij、minzyijveij hidungj yencugiz ganbu beizyinbanh”. Daengx gih minzveij、minzyijveij cujyin, Swcigih Minzveij、Minzyijveij gihgvanh nem cigguenj danhvei doenghboux ganbu fucugiz doxhwnj haenx gyawj 80 vunz camgya beizyin. Beizyinbanh cingj le mizgven conhgyah yozcej hopheux Gvangjsih minzcuz doxgiet gingniemh、feihvuzciz vwnzva yizcanj henhoh nem fazcanj、saujsu minzcuz ginghci cwngcwz、minzcuz yijyenz cwngcwz fazgveih、Gvangjsih gij cingzgvang vah saw minzcuz、hag Dangj Cibbet Daih cingsaenz daengj ciendaez hwnjdangz. Baez beizyin neix gungh 4 ngoenz, daengz 6 nyied 27 hauh sat. Ndaw doz dwg beizyinbanh haiban yizsi yienhciengz.