Gou gig maij gwn saejdaeuz. Bohmeh ciengz- seiz son gou gaej luenh va cienz, noix gwn saejdaeuz, hoeng ngah saejdaeuz aen sibgvenq vaih neix gou cungj gaij mbouj ndaej.

Ngoenz ndeu lajbyongh- ngoenz cuengqhag le, gou caeuq geij boux doengzhag baez yamq ok bakdou hag- dangz, couh humx bae coh aen dansaejdaeuz ndeu ra cawx gwn. Yawj geij boux doengzhag gwn saejdaeuz diemzswd, gou da daengx lo, conghhoz ndwnj myaiz soeg- soeg. Lwnz daengz gou cawx lo, gou muengz mbon daeh ra cienz cawx song diuz youzcaq saejhom, amq dog couh haeb diuz ndeu bae dingz he, mbouj geij nanz, song diuz saejhom gaenq roengz dungx seuqsat lo. Gou madmad bak, doq baema ranz lo.

Ngamq guh sat cozyez, daxmeh gaenq cawj haeux- byaek ndei lo, de heuh gou okdaeuj gwn caeuz, hoeng gou di he hix mbouj siengj gwn. Neix mbouj dwg naeuz daxmeh cauj byaek mbouj ndeigwn, cix dwg aenvih gou ngamq gwn song diuz saejhom, ndaw bak lij youzyub nywnxnyad, dungx miz di ciengq, mbouj siengj gwn haeux. Yaep ndeu, gou gamjdaengz aendungx miz di in, doeklaeng in lumj mid mbongq nei. Gou rouxringx gwnz mbonq, najbyak hanh lae hanh roenx, boux vunz gou bingzseiz gig noix daej, seizneix cix nyaenx mbouj ndaej daej hemq hwnjdaeuj:“Daxmeh, gou dungx in dai lo.” Daxmeh dingq le doq buet haeuj rug daeuj fuz gou hwnq, gou rueg dwk laj mbonq uqnyatnyat. Daxmeh cijndei sikhaek soengq gou bae yihyen genjcaz. Canghyw genjcaz le naeuz:“Neix itdingh dwg gwn doxgaiq mwt lo. Dwg gijgwn dengdoeg, aeu diuq raemxgyu cij ndaej.” Daxmeh ndatheiq dwk naeuz:“Couh dwg saejdaeuz nyex okdaeuj, heuh mwngz gaej gwn, mwngz nyengh aeu gwn, mbatneix rox hit luba?” Gou ngoemx lo.

Gyoengq doengzhag, daihgya ciengeiz aeu guenj ndei aenbak swhgeij, gaej bae gij dansaejdaeuz mbouj veiswngh haenx cawx saej- daeuz gwn, mboujnex, cix gag gwn gag souh lo.

(Vangh Yigoz)