Gyanghaet mbwn gig gvengq, daeggo daiq daeg- nuengx bae gunghyenz guhcaemz. Gij nywj ndaw gunghyenz heusausau, gij va hom caenx haeuj ndaeng vunz daeuj，roeglwg vaiqvued swenj dwk. Daeggo yawjraen giz funghgingj gyaeundei ndeu, doiq daegnuengx naeuz:“Mwngz guh aen dungcoz ndeu, daeggo bang mwngz ingjsiengq, ndei lwi?”Yienghneix, daegnuengx cik fwngz ndeu cengj hwet, cik fwngz ndeu vix gij gencuz giz gyae. Daeggo cingq siengj ingj seiz, sawqmwh, daeg- nuengx buet deuz lo, daeggo gamjdaengz gig geizheih, baenq ndang baez yawj, cijraen daegnuengx gungj hwet, song fwngz fuz dahcej hung laemx youq gwnz namh haenx, seizneix, daeggo gaem sienggih hwnjdaeuj, “gaca”sing ndeu, dawz gij fungh- gingj gyaeundei neix ingj roengzdaeuj. Dahcej hung doiq daegnuengx naeuz：“Docih mwngz, daegnuengx iq, mwngz caen roxsoq ha.”Daegnuengx naeuz：“Mboujyungh law, docih dahcej haenh gou.”Daeggo doiq daegnuengx haengj bangcoh bouxwnq cungj cingsaenz neix gamjdaengz gig muenxeiq, riunyumnyum hwnjdaeuj.    （指导老师：李文海）