Daihroek Geiz Daengx Guek Minzcuz Yijvwnz Fanhoiz Gungh-

coz Yezvu Guzgan Gauhgiz Yenzsiuhbanh Swnhleih Gezyez

Bonjbauq siusik (gicej Veiz Yennaz) 6 nyied 4 hauh lajbyonghngoenz, Daihroek Geiz Daengx Guek Minzcuz Yijvwnz Fanhoiz Gunghcoz Yezvu Guzgan Gauhgiz Yenzsiuhbanh gezyez yizsi youq Sihnanz Minzcuz Dayoz gawjhengz. Guekgya Minzveij Gyauyuz Gohgiswh fusinzsiyenz Anh Cinghbingz, Sihnanz Minzcuz Dayoz yaucangj Cau Sinhyiz、fuyaucangj Sahmajlahyi camgya hoih gezyez yizsi.

Sahmajlahyi daibyauj yozyau guh gangjvah, de hoh gyoengq yozyenz swnhleih vanzcwngz le hagsib beizyin yinvu.

Daihroek Geiz Daengx Guek Minzcuz Yijvwnz Fanhoiz Gunghcoz Yezvu Guzgan Gauhgiz Yenzsiuhbanh dwg youz Yinzliz Swhyenz Caeuq Sevei Baujcangbu、Guekgya Minzveij lienzhab gawjbanh. Daengx ban gungh miz 50 boux yozyenz, gyoengqde daj daengx guek 14 aen sengj gih daeuj, miz Mungzgujcuz、Cangcuz、Veizvuzwjcuz、Hahsahgwzcuz、Cauzsenjcuz、Yizcuz、Bouxcuengh、Dungcuz、Veizcuz、Duj- gyahcuz、Buyihcuz、Vajcuz、Lahhucuz、Bouxgun daengj 14 aen minzcuz.

Geiz yenzsiuhbanh neix, gangjgoq neiyungz gig lai, miz minzcuz cwngcwz、minzcuz yijvwnz cwngcwz、minzcuz yijvwnz fanhoiz lijlun、gigiuj nem ginghyen.Ginggvaq hagsib, gyoengq yozyenz engq laeg rox le minzcuz cwngcwz dangj raeuz, swhsiengj cwngci suciz caeuq yezvu naengzlig cungj ndaej daezsang.